- ३१ जेष्ठ २०८३, आईतवार / Jun 14, 2026
पनौती । पनौती नगरपालिका वडा नं ३ को नवनिर्मितको उद्घाटन गरिएको छ । मंगलबार पनौती नगरपालिका वडा नं ३ को कार्यलय नयाँ भवन सहितको कार्यालय पनौती नगरपालिकाका मेयर भीम न्यौपानेले उद्द्घाटन गरेका हुन । कार्यालयको उद्घाटनसंगै मिति २०७८ फागुन ३ गतेबाट वडा नं ३ का सम्पुर्ण सेवा नवनिर्मित भवनबाट सुरु गरिएको पनौती नगरपालिका वडा नं ३ का वडा अध्यक्ष किशोर थापाले जानकारी दिए । उनले जनताको घरदैलोमा आफू निर्वाचित भएर आएपछि बाटो घाटो निर्माण गरिएको बताए ।
उनले सहज रुपमा भक्तपुर, ललितपुरमा पुग्न सकिने वाटाहरुको व्यवस्थापन गरिएको जानकारी दिए । अध्यक्ष थापाले नगरपालिकाले दिएको बजेटको सही सदुपयोग गरीएको दाबी गरे । पनौती नगरपालिकाका नगर प्रमुख भिम न्यौपाने, उपप्रमुख गिता बन्जाराले संयुक्त रुपमा रिबन काटेर कार्यालयको उद्घाटन गरिएको थियो ।
उद्घाटन कार्यक्रममा पनौती नगरपालिका वडा नं१ का वडा अध्यक्ष गुणनाथ सापकोटा,वडा नं २ का अध्यक्ष पुरुषोक्तम अधिकारी, बरिष्ठ प्रशासकिय अधिकृत इन्द्र प्रसाद अधिकारी, विभिन्न राजनीतिक दलका प्रतिनिधि, शाखा प्रमुखहरु,वडा सदस्यहरु,बुद्धिजीवीहरुको उपस्थिति रहेको थियो ।
पनौती नगरपालिका वडा नं ३ का वडा अध्यक्ष किशोर थापासंग गरिएको कुराकानी ………..
