राजधानीमै चितुवाले आक्रमण गर्दा पाँच जना घाइते

काठमाण्डौ । जंगली जनावरहरु विस्तारै मानव बस्तीमा छिरिरहेका छन् । जंगली जनावरहरु मानव बस्तीमा छिरिरहदा मानव जनावारबीच द्वन्द्व बढीरहेको छ । काठमाण्डौको नागार्जुन नगरपालिका वडा नम्बर ८ भीमढुङ्गा असिमुरे कुवामा चितुवाको आक्रमणबाट पाँच जना घाइते भएका छन् । घाइतेमध्ये एक जनाको अवस्था गम्भीर रहेको जनाइएको छ ।

चितुवाको आक्रमणबाट कुखुरा कुरेर छाप्रोमा बसेका राम भट्टराई, सरस्वती भट्टराई, कुमार भट्टराई , कान्छी भट्टराई, छिमेकी सुविन भट्टराई घाइते हुनुभएका छन् । घाइते पाँचमध्ये तीन जनालाई अस्पताल भर्ना गरिएको छ भने दुई जना डिस्चार्ज भएका छन् । घाइतेको उपचार भइरहेको जनाइएको छ ।