- १८ असार २०८३, बिहीबार / Jul 2, 2026
काठमाडौं । मालपोत कार्यालयका बिचौलिया पाँच जना पक्राउ परेका छन् । भूमिसुधार तथा मालपोत कार्यालय जलेश्वरबाट बिचौलियाको आरोपमा पाँच जना पक्राउ परेका हुन । छिटो काम गराइदिने भन्दै सेवाग्राहीलाई प्रलोभन देखाइ रकम बार्गेनिङ गरिरहेको सूचनाको आधारमा प्रहरीले पाँचै जनालाई पक्राउ गरेको हो ।
पक्राउ परेका पाँचै जनामाथि सार्वजनिक शान्ति विरूद्धको कसूर मुद्दामा सात दिनको म्याद थप गरी थप अनुसन्धान भइ रहेको छ ।
पक्राउ पर्नेहरुमा महोत्तरीको मटिहानी नगरपालिका–९ का अजिमउदिन अन्सारी, सोनमा गाउँपालिका–२ का रोशन कुमार यादव, जलेश्वर नगरपालिका–१ का विक्रम चौधरी, औरही नगरपालिका–४ का सुरेश गोप र बलवा नगरपालिका–१० का अमित कुमार मल्लिक रहेका छन् ।
