- १० बैशाख २०८३, बिहीबार / Apr 23, 2026
काठमाडौं । पाइन्टभित्र लुकाएको सुनसहित तीनजना नेपाली पक्राउ परेका छन् ।
शनिबार बिहान जजिरा एअरलाइन्सको जे ९ ५३९ जहाजमार्फत कुवेतबाट नेपाल आएका उनीहरूलाई प्रहरीले त्रिभुवन अन्तर्राष्ट्रिय विमानस्थलबाट पक्राउ गरेको हो ।
पाइन्टको भित्री भागमा लुकाएर बाहिरबाट सिलाएर लुकाई राखेको अवस्थामा २ सय ६० ग्राम सुन भन्सार कार्यालयले नियन्त्रणमा लिएको छ।
तीनैजना यात्रुलाई अन्य व्यक्तिले १ र १ वटा पाइन्ट दिएर लगाई जान भनेको र नेपाल पुगेपछि ती पाइन्ट अन्य व्यक्तिलाई बुझाएपछि केही रकम पाउने आसा देखाएको प्रहरीको प्रारम्भिक अनुसन्धानबाट खुलेको छ ।
पक्राउ पर्नेमा प्रकाश दुनुवार, भुमाकुमार माझी र सरोज मोची रहेको प्रहरीले जनाएको छ।
