- ९ बैशाख २०८३, बुधबार / Apr 22, 2026
१ असार २०७७ काठमाडौं । सांसद सरिता गिरी अब निलम्वनमा पर्ने भएकी छन् । समाजवादी पार्टीले उनलाई पार्टी र सांसद दुबै पदबाट हटाउने जनाएको छ ।
नक्सासम्बन्धी संविधान संशोधन प्रस्तावको विरुद्धमा उभिएकी गिरीलाई पार्टीले जारी गरेको ह्विप उल्लंघन गर्दै तथानाम बोलेको कारण पार्टीको साधारण सदस्यबाट पनि हटाउन लागिएको समाजवादी पार्टीका एक बरिष्ठ नेताले बताए ।
पार्टीको निर्णय विपरीत गिरीले ह्वीप नमानेकाले स्वतः कारवाहीमा पर्ने नेताको भनाई छ ।
सांसद पद निलम्वन हुने प्रावधान
संविधानको धारा ८९ को (ङ) मा जुन दलको उम्मेदवार भई प्रतिनिधिसभा सदस्य बनेको हो, त्यस्तो दलले दल त्याग गरेको कुरा सूचित गरेमा सांसद पद निलम्वन हुने प्रावधान छ ।
यही व्यवस्था अनुरुप खस आर्यको कोटाबाट समानुपातिक सांसद बनेकी समाजवादी पार्टीकी नेतृ गिरी निलम्बन गरिने नेताले बताए ।
