- १३ बैशाख २०८३, आईतवार / Apr 26, 2026
काठमाडौं । आठौँ संविधान दिवसकै दिन पूर्वराजा ज्ञानेन्द्रको नयाँ अभियानको घोषणा भएको छ । राजनीतिक दलहरू र वर्तमान व्यवस्थाप्रति असन्तुष्टि जनाउँदै आएका पूर्वराजा ज्ञानेन्द्र शाहले जनतासँग प्रत्यक्ष भेटघाट गर्दै प्रतिक्रिया लिन थालेका छन् ।
पछिल्लो समय कहिले राजसंस्था पक्षधर दलका नेताहरूसँग भेट्ने त कहिले विभिन्न जिल्लाको भ्रमण गर्ने वा विज्ञप्ति निकाल्ने जस्ता कारणले चर्चामा आइरहेका ज्ञानेन्द्रले जनतासँगको भेटघाट काठमाडौं उपत्यकाबाटै सुरु गर्न लागेको जनाएका छन ।
धार्मिक तीर्थस्थल तथा मठमन्दिर भ्रमणको नाममा उनले नागरिकसँग भेटघाट गर्न लागेका हुन् । सोही अनुरुप ७ असोजमा भक्तपुरमा पहिलो कार्यक्रम राखिएको ज्ञानेन्द्रको सचिवालयले जनाएको छ ।
दिउँसो ३ बजे भक्तपुरमा जाने कार्यक्रम रहेको ज्ञानेन्द्रका संवाद सचिव फणीराज पाठकले बताए।सो अवसरमा भक्तपुरको तलेजु भवानीको दर्शन, भैरवनाथको दर्शन गर्ने पनि जनाइएको छ । पाठकले वक्तव्य निकालेर यसबारे जनाकारी दिए।
