पूर्व राजावादीहरुले एमालेलाई घेराबन्दी गर्न खोजे: ओली

काठमाडौं । पूर्व राजावादीहरुले अनेक षड्यन्त्र गरिरहेको आरोप लगाउदै यो चुनावमा तह लगाउने एमाले अध्यक्ष केपी शर्मा ओलीले बताएका छन् ।

नुवाकोटको बट्टार बजारमा आयोजित जनसभामा बोल्दै अध्यक्ष ओलीले आफू र आफ्नो दलविरुद्ध पूर्व राजावादीहरु लागेको आरोप लगाए ।

एमालेप्रति जनताको साथ देखेर अत्तालिएकाहरुले आफ्नो जिल्ला र नगरपालिकामा पूर्व राजावादीहरुसँग प्रतिस्पर्धा गर्न नसक्ने भनेर अर्को षड्यन्त्र बुनिरहेको जिकिर गरे ।

यसका साथै उनले सर्वोच्च अदालतबाट बनेको गठबन्धनको सरकारले एमालेलाई घेराबन्दी गर्न खोजेको टिप्पणी गरे । एमाले एकक्षणका लागि मात्र प्रतिपक्षमा भएको र अब चुनावपछि फेरि सत्तामा जाने दाबी गरे।