प्रचण्डकी पत्नी सीता दाहालको भेन्टिलेटरमा उपचार हुँदै

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डकी पत्नी सीता दाहाल अस्पताल भर्ना भएकी छन् ।

स्वास्थ्य अवस्था जटिल भएपछि उनलाई ललितपुरको मेडिसिटी अस्पतालमा भर्ना गरिएको छ ।

अहिले भेन्टिलेटरमा राखेर उपचार भइरहेको प्रचण्डको सचिवालयले जनाएको छ।

अक्सिजनको मात्रा घटेपछि दाहाललाई अस्पताल भर्ना गरिएको भनाइ छ । उनी पार्किन्सन जस्तो देखिने एक प्रकारको जटिल रोगबाट पीडित रहेकी छन् ।

यसअघि पनि उनलाई पटक–पटक देश तथा विदेशका अस्पतालमा उपचार गरिएको थियो । छोरी गंगा दाहालले सामाजिक सञ्जालमार्फत आमा सीताको (Mummy! please get well soon) शीघ्र स्वास्थ्य लाभको कामना गरेकी छन् ।