- ३० भाद्र २०८३, मंगलवार / Sep 15, 2026
काठमाडौं । नेकपा माओवादी केन्द्रको जारी आठौं महाधिवेशन आज सकिदै छ । नेतृत्वमा प्रचण्डको विकल्प नभएपछि अध्यक्षमा फेरी प्रचण्ड सर्वसम्मत हुने नेताहरुले बताए ।
अन्तिम दिन आज स्थायी कमिटी सदस्य देव गुरुङले विधान मस्यौदामाथि उठेका प्रश्न र जिज्ञासाको जवाफ दिने कार्यक्रम रहेको छ ।
बिहान ११ बजे सुरु हुने बन्दसत्रमा नेता गुरुङले विधान मस्यौदामाथि समूहगत छलफलबाट आएका सुझाव र जिज्ञासामाथि जवाफ दिने बताइएको छ ।
शुक्रबार अध्यक्ष पुष्पकमल दाहाल प्रचण्डको वैचारिक तथा राजनीतिक प्रतिवेदनलाई पारित गरेको महाधिवेशनले शनिबार गुरुङको विधान मस्यौदालाई पारित गर्ने कार्यसूची रहेको प्रवक्ता कृष्णबहादुर महराले बताए।
माओवादीले १५ सदस्यीय पदाधिकारी र २९९ सदस्यीय केन्द्रीय समिति निर्वाचित गर्ने प्रस्ताव छ। प्रवक्ता महराले सर्वसम्मत नेतृत्व चयन गर्दै महाधिवेशन आजै सकिने बताए ।
