प्रधानमन्त्रीको निर्देशन : उद्धार, राहत र जनधनको रक्षा गर

२७ असार २०७७ काठमाडौँ । पीडितको उद्धार, राहत र जनधनको रक्षा गर्न मातहतका निकायलाई प्रधानमन्त्री केपी शर्मा ओलीले निर्देशन दिएका छन् ।

देशका विभिन्न ठाउँमा बाढी तथा पहिरोका कारण जनधनको ठूलो क्षति भएकाले न्यूनिकरण गर्न, तत्काल उद्धार र राहतको व्यवस्थापन गर्न निकायका पदाधिकारीलाई निर्देशन दिएका हुन् ।

प्रधानमन्त्री निवास बालुवाटारमा बसेको बैठकमा प्रधानमन्त्री ओलीले रक्षाका लागि कुनै कसर बाँकी नराख्न निर्देशन दिनुका साथै महामारी तथा सर्पजन्य समस्यासँग जुध्नका लागि सम्बन्धित मन्त्रालय तथा निकायहरुको तयारीबारे पनि जानकारी लिए ।