- ५ आश्विन २०८३, सोमबार / Sep 21, 2026
काठमाडौं । नेपाली कांग्रेसका सभापति शेरबहादुर देउवा चुनावी सभा सम्बोधन गर्न चितवन पुगेका छन् । निजी सवारी साधन चढेर चुनावी प्रचारका कार्यक्रममा रहेको देउवा सचिवालयले जनाएको छ ।
सत्तागठबन्धनबाट मेयरमा नेकपा माओवादीकी नेता रेनु दाहाल र उपमेयरमा कांग्रेस नेता चित्रसेन अधिकारी भरतपुर महानगरमा उम्मेदवार छन् । उनीहरूलाई मत माग्न गठबन्धनले चुनावी सभा आयोजना गरेको हो ।
चुनावी सभालाई माओवादी अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल, जसापाका अध्यक्ष उपेन्द्र यादव, कांग्रेस नेता रामचन्द्र पौडेललगायतले सम्बोधन गर्ने छन् ।
यस्तै कांग्रेस महामन्त्री गगन थापा र नेता शेखर कोइरालाले पनि चुनावी सभालाई सम्बोधन गर्ने बताइएको छ ।काँग्रेसबाट बागी उम्मेदवारी दिएका जगन्नाथ पौडेलसंग पनि देउवाले कुराकानी गर्ने बताएका छन्।
