- १ कार्तिक २०८३, आईतवार / Oct 18, 2026
बागलुङ । बडिगाड गाउँपालिकाको केन्द्रमा रहेको प्रहरी चौकी भीमगिठेका इन्चार्ज वरिष्ठ प्रहरी नायब निरीक्षक उज्वल पौडेल मृत भेटिएका छन् ।
वडा नं ६ को एक रेष्टुरेन्टमा उनी मृत भेटिएको प्रहरीले बताएको छ ।
सोमबार राति १२ बजेसम्म पौडेलले होटलमा बसेर खाजा तथा मदिरा सेवन गरेको स्थानीयले बताए ।
रातको १२ बजे घटना भएको थाहा पाएपछि वडा अध्यक्ष सहितको टोलीले प्रहरीलाई जानकारी गराएका थिए ।
प्रहरी उपरीक्षक योगेन्द्रकुमार खड्कासहितको टोली घटनास्थल गएको प्रमुख जिल्ला अधिकारी रोशनीकुमारी श्रेष्ठले बताइन् ।
घटनाका बारे प्रहरी अनुसन्धानपछि मात्रै वास्तविकता खुल्ने उनको भनाइ छ ।
