फेरी १५ प्रतिशतले गाडी भाडा बृद्धि

काठमाण्डौ । पेट्रोलियम पदार्थको मूल्य बृद्धि भएपछि सरकारले सार्वजनिक गाडीको भाडा १५ प्रतिशतसम्म बृद्धि गरेको छ । भौतिक पूर्वाधार तथा यातायात मन्त्रालयको चैत १७ गतेको मन्त्रीस्तरीय निर्णयअनुसार यातायात व्यवस्था विभागले यात्रुवाहक गाडीको भाडा १० प्रतिशतसम्म बढाएको हो । इन्धनको मूल्य पाँच प्रतिशतभन्दा धेरैले घटबढ भएमा स्वचालित प्रणालीबाट मूल्य समायोजन गर्ने र असारयता डिजलको मूल्य ३४ प्रतिशत बढेको आधारमा नयाँ भाडा दर तय भएको विभागले उल्लेख गरेको छ ।

मालवाहक गाडीको भाडा १५ प्रतिशतसम्म बढेको छ । पहाडमा मालवाहक गाडीका लागि १३ र तराईमा १५ प्रतिशतका दरले भाडा बृद्धि भएको जनाइएको छ । विभागले स्वचालित भाडा प्रणाली लागू गर्न १३ वटा सूचकलाई आधार बनाएको छ । ती सूचकमध्ये पेट्रोलियम पदार्थको मूल्य हिस्सा ३५ प्रतिशत रहेको छ । इन्धनको मूल्य बढेपछि यातायात व्यवसायीको दवापमा सरकारले सार्वजनिक यातायातको भाडा बढाएको दाबी गरेको छ । एक प्रदेशबाट अर्को प्रदेशका लागि चल्ने मालवाहक तथा यात्रुवाहक यातायातमा मात्रै भाडा बढेको विभागले उल्लेख गरेको छ ।