बढ्न थाले पर्यटक

खप्तड । कोभिड १९ ले परेको पर्यटन क्षेत्र विस्तारै उकासिन थालेको छ । पछिल्ला दिनमा पर्यटक आगमनमा सुधार देखिन थालेको छ।

कोभिड–१९ महामारीको जोखिमकै बीच सरकारले विदेशी पर्यटकका लागि लागू गरेको नयाँ व्यवस्थाका कारण पर्यटन क्षेत्रमा सुधार हुन थालेको हो ।

अन अराइभल भिसा व्यवस्था गरेसँगै पर्यटक आगमनमा सकारात्मक संकेत देखिएको नेपाल पर्यटन बोर्ड पुनउत्थान समितिका वागमति प्रदेश सदस्य रामसुन्दर बकेले बताए । पर्यटन क्षेत्र सुधारका लागि सरकारले सहयोग गरेको व्यवसायीको भनाइ छ।

विदेशी पर्यटकको संख्या थोरै भएपनि आन्तरिक पर्यटकले भने दोब्बर ठाँउ ओगटेको छ। सन् २०२० सेप्टेम्बरमा नेपालमा जम्मा ५ सय ८४ जना विदेशी पर्यटक नेपाल आएको पर्यटन बोर्डले जनाएको छ ।

२०२१ सेप्टेम्बरमा ९ हजार ८ सय ९८ जना विदेशी भित्रिएका छन् । अन अराइभल भिसाको प्रभावले अघिल्ला महिनाको तुलनामा पर्यटक बढेको देखिएको छ । अहिले नेपाल आउनका लागि अनुकूल वातावरण मिलेकाले आगमन बढ्न थालेको व्यवसायीको भनाइ छ ।