बस दुईवटा रूटमा दुईवटा बसद्वारा नेपाल प्रहरीको बस सेवा सञ्चालन

काठमाडौं । टीकाको दिन सार्वजनिक सवारीसाधन कम चल्ने भएको हुँदा नेपाल प्रहरीले निःशुल्क बस सेवा सञ्चालन गरेको छ । दुईवटा बसले सेवा दिने र बस दुईवटा रूटमा चल्ने प्रहरीले जनाएको छ । सेवाग्राहीलाई ध्यानमा राखेर निःशुल्क बस सेवा सञ्चालन गरेको प्रहरीले जनाएको छ ।

रूट नम्बर १ नयाँ बसपार्क, बालाजु, स्वयम्भू, कलंकी, बल्खु, सातदोबाटो, लखनखेल, जावलाखेल, थापाथली, माइतीघर, पुतलीसडक, जयनेपाल हल, नक्साल, बालुवाटार, शिक्षण अस्पताल महाराजगञ्ज, चक्रपथ हुँदै चल्नेछ । दोस्रो रूट चावहिल, सुकेधारा, चक्रपथ, शिक्षण अस्पताल महाराजगञ्ज, बालुवाटार, नक्साल, रातोपुल, गौशाला, एयरपोर्ट, कोटेश्वर, ठिमी, सल्लाघारी, सूर्यविनायकसम्म सञ्चालन हुने छ ।