बाढी पहिरोको जोखिम बढेपछि सतर्कता अपनाउन आग्रह

काठमाण्डौ । धेरै ठाउँमा ठूलो वर्षा भएपछि प्रदेश १, वाग्मती र गण्डकी प्रदेशका नागरिकलाई सतर्क रहन आग्रह गरिएको छ ।

६ घण्टासम्म केही ठाउँमा वर्षाको सम्भावना रहेकोले आकस्मिक बाढी आउनुका साथै भिरालो जमिनमा पहिरो जाने जोखिम बढेको हो ।

आज प्रदेश १, मधेश प्रदेश, वाग्मती प्रदेश, गण्डकी प्रदेश र लुम्बिनी प्रदेशका केही ठाउँमा र बाँकी प्रदेशका थोरै ठाउँमा मेघ गर्जनसहित वर्षाको सम्भावना रहेको मौसमविद्ले बताएका छन् ।

मधेश प्रदेश, वाग्मती प्रदेश, गण्डकी प्रदेश र लुम्बिनी प्रदेशका एक–दुई ठाउँमा ठूलो वर्षाको सम्भावना रहेकोले सतर्कता अपनाउन बाढी पूर्वानुमान महाशाखाले आग्रह गरेको हो