- २२ असार २०८३, सोमबार / Jul 6, 2026
गोरखा । बारपाक केन्द्रबिन्दु भएर गएको विनासकारी भूकम्पको आठ वर्ष पूरा भएको छ ।
२०७२ वैशाख १२ गते बिहान ११ बजेर ५६ मिनेटमा गएको सात दशमल आठ रेक्टरस्केलको भूकम्पले आठ हजार ९ सय ७९ जनाको अकालमा मृत्यु भएको थियो । २२ हजार ३ सय ९ जना घाइते भएका थिए । भूकम्पमा परी गोरखा जिल्लामा मात्र ४ सय ७१ जनाको मृत्यु भएको थियो ।
निधन भएकाहरुको स्मृतिमा सरकारले भूकम्पको केन्द्रबिन्दु बारपाकमा भूकम्प स्मृति उद्यान निर्माण गर्न थालेको साढे पाँच वर्ष वितिसक्दा पनि अझै सम्पन्न हुनसकेको छैन ।
२०७४ मङ्सिर १४ गते ठेक्का सम्झौता गरी सुरु गरिएको उद्यान निर्माणको काम अहिलेसम्म ९४ प्रतिशत भौतिक संरचना निर्माण सम्पन्न भएको सङ्घीय आयोजना कार्यान्वयन एकाइ पोखराले जनाएको छ ।
सम्झौताका क्रममा ठेकेदार कम्पनीले ३० महिनामा निर्माण सक्ने लक्ष्य राखेको भए पनि अझै छ प्रतिशत काम बाँकी राखेको इञ्जीनियर पुरुषोत्तम पङ्गेनीले बताए ।
