- ११ कार्तिक २०८३, बुधबार / Oct 28, 2026
काठमाडौं । पछिल्लाे समय बालबालिका चाेरीका समाचार बाहिरिन थालेपछि सजग रहन भन्दै नेपाल प्रहरीले बच्चा चोरी भइरहेको कुरा भ्रामक रहेको जनाएको छ । साइबर व्यूरोले एक सूचना जारी गर्दै नेपालमा पछिल्लो समय बच्चाहरूको चोरी भइरहेको भन्ने हल्ला भ्रामक रहेको बताएको छ ।
भारतबाट जोगी र माग्नेको भेषमा बच्चा चोरी गर्ने ब्यक्तिहरू नेपालको विभिन्न भागमा भित्रिएर बच्चाहरू चोरी गरी भारत लगेर मृगौला, आँखा लगायतका शरीरका बिभिन्न अंगहरू झिकी बिक्री गर्ने गरेको भन्ने व्यहोरा लेखेर बिभिन्न व्यक्तिहरुका तस्बिरहरु समेत संलग्न गरी सामाजिक सञ्जालमा फैलाईएको भ्रामक प्रचारप्रति प्रहरीको गम्भिर ध्यानाकर्षण भएको व्यूराेले जनाएकाे छ ।
प्रहरी कार्यालयहरुमा हालसम्म कुनैपनि माध्यमबाट उजूरी, सूचना प्राप्त नभएको साइबर व्यूरोका प्रवक्ता पशुपति कुमार रायले बताए ।व्यूरोले त्यस्तो भ्रामक प्रचारमा विश्वास नगर्न आग्रह गरेको छ ।
कुनैपनि अपराध सम्बन्धी सूचना प्राप्त भएमा नजिकको प्रहरी कार्यालयमा जानकारी गराउन समेत सबैमा अनुरोध गरेको छ । सामाजिक सञ्जालमा त्यस्तो भ्रामक प्रचार गर्ने जो कोहीलाई नेपालको प्रचलित ऐन, कानून बमोजिम कानूनी कारबाही गरिने ब्यूरोले बताएको छ ।
