- २७ श्रावण २०८३, बुधबार / Aug 12, 2026
काठमाण्डौ । उच्च अदालत पाटनबाट ६१ लाख ५४ हजार ८ सय ७५ जरिबाना तोकिएपछि फरार रहेका एक जनालाई प्रहरीले पक्राउ गरेको छ ।
अदालतले बैंकिङ कसुर मुद्दामा २५ दिन कैद सजाय र ६१ लाख ५४ हजार ८ सय ७५ रुपैयाँ जरिबाना ठहर गरेपछि फरार पर्वत घर भइ काठमाण्डौ नयाँबजार बस्ने ३५ वर्षीय इन्द्रबहादुर कुँवरलाई प्रहरीको केन्द्रीय अनुसन्धान ब्युरो (सीआईबी) ले पक्राउ गरेको हाे ।
आफ्नो खातामा पर्याप्त रकम नहुँदा नहुँदै तीन जनालाई पैसा नभएको चेक दिएर बैंकिङ जन्य कसुर गरेकाले उच्च अदालत पाटनको आदेश अनुसार कुँवरलाई सुन्धाराबाट पक्राउ गरिएको ब्युरोका प्रवक्ता प्रहरी उपरीक्षक कमल थापाले बताए ।
