बिहान ७ बजेसम्म काठमाडौं प्रवेश गर्न नपाईने

श्रावण २०७७ काठमाडौँ । यात्रुलाई रातको समयमा काठमाडौं उपत्यका प्रवेशमा पूर्ण रोक लगाएको छ ।

उपत्यका भित्रिने धेरै यात्रुहरुमा कोभिड १९ पोजिटिभ देखिएकोले गृहमन्त्रालयले साँझ ७ देखि बिहान ७ बजेसम्म नाकामा यात्रुहरुको आवागमन पूर्ण रुपमा बन्द गराएको मन्त्रालयका सहप्रवक्ता उमाकान्त अधिकारीले बताए ।

उपत्यका बाहिरका जिल्ला प्रशासन कार्यालयहरुलाई पनि अत्यावश्यक कामबाहेक अन्तर जिल्ला सवारी आवागमन पास जारी नगर्न एवं बिनापास अन्तर जिल्ला आवागमन पूर्ण बन्द गराउन निर्देशन जारी गरेको ।