ब्राजिलमा १३ जनाको मृत्यु, १० जना घाइते

ब्राजिल । ब्राजिलमा आँधीका कारण १३ जनाको ज्यान गएको छ । ब्राजिलमा आँधीका कारण दक्षिणी क्षेत्रमा पर्ने रियो ग्रान्डे डो सुल प्रान्तमा १३ जनाको ज्यान गएको छ भने १० जना घाइते भएका छन् । आँधीका कारण त्यहाँका कयौँ सडक अवरुद्ध भएका छन् भने मुख्य सहरका हवाई उडान समेत बन्द भएका छन् ।

राष्ट्रपति लुइज इनासियो लुला डा सिल्भाले सङ्कट समाधानका लागि प्रयास भइरहेको बताए । ज्यान जानेमा चार महिनाको शिशुसमेत रहेका स्थानीय सञ्चारमाध्यमले जनाएका छन् । आँधीका कारण हजारौँ नागरिक विस्थापित भएका छन् । २ हजार ४ सय जनाको उद्धार गरिएको छ ।