भक्तपुर अस्पतालमा थपियो माछापुच्छ्रे बैंकको एक्सटेन्सन काउण्टर

भक्तपुर । पछिल्लो समय भक्तपुर अस्पतालमा विभिन्न सेवाहरु थपिदै गएका छन् । अस्पतालले प्रदान गर्ने सेवासंगै भक्तपुर अस्पतालमा माछापुच्छ्रे बैंकको एक्सटेन्सन काउण्टर सञ्चालनमा आएको छ ।  भक्तपुर अस्पताल व्यवस्थापन समिति अध्यक्ष रमण कायष्थ तथा अस्पताल प्रमुख  मेडिकल सुपेरिडेन्टेन्ट डा.मित्रा गौतमले संयुक्तरुपमा रिबन काटेर एक्सटेन्सन‌ काउण्टरको उद्घाटन गरेसंगै सोमबार भक्तपुर अस्पतालमा माछापुच्छ्रे बैंकका सिईओ सन्तोष कोइरालाको उपस्थितिमा उक्त काउन्टर सञ्चालनमा आएको हो ।

माछापुच्छ्रे बैंकको एक्सटेन्सन काउण्टर सञ्चालनबाट अस्पतालमा‌ उपचारका लागि आउने सेवाग्राही मात्र नभई अस्पतालका कर्मचारीहरु समेत लाभान्वित हुने भक्तपुर अस्पताल प्रशासनले जनाएको छ ।

अस्पताल प्रमुख मेसु डा. गौतमले भक्तपुर अस्पताललाई दुई सय शैयाको अस्पतालमा अपग्रेड गर्ने, सुविधा सम्पन्न भौतिक संरचना निर्माण गर्ने, भक्तपुर जिल्लामै सरकारमा नभएको सीटीस्क्या, एमआरआई सञ्चालन गर्ने, २४ सै घण्टा अस्पाल आउने कुनै पनि विरामी सेवा पाउने व्यवस्था मिलाउने, विभिन्न किसिमका तालिमको प्रवन्ध गर्नेलगायतका योजनाहरु रहेको बताउनुभयो । उहाँले भक्तपुर अस्पतालमा विरामीहरुलाई पर्न गएको असुविधालाई मध्यनजर गर्दै थप टिकट काउन्टर सञ्चालन गर्ने र अस्पताललाई अझै व्यवस्थित गर्दै लैजाने बताउनुभयो ।