- २४ भाद्र २०८३, बुधबार / Sep 9, 2026
भक्तपुर । बागमती प्रदेशको उत्कृष्ट अस्पतालका रुपमा परिचित भक्तपुर अस्पतामा पत्रकारहरुका लागि निःशुल्क स्वास्थ्य परीक्षण गरिने भएको छ । आज विहान ७ः०० बजे देखि उक्त स्वास्थ्य परीक्षण गर्न लागेको अस्पतालले जनाएको छ ।
राज्यको चौथो अंग जो समाजमा हरदम कुदिरहनु पर्छ उनीहरुको कामलाई मध्यनजर गरी नि:शुल्क स्वास्थ्य परिक्षण गर्न लागिएको अस्पताल प्रशासनले बताएको छ । हालसम्म स्वास्थ्य परीक्षण नगराएका तथा कुनै रोग लागेको छ वा छैन भन्ने थाहा नपाएकाका लागि निःशुल्क स्वास्थ्य परीक्षण गर्न लागिएको अस्पतालका प्रमुख मेडिकल सुपरिटेन्डेन्ट डा. सुमित्रा गौतमले बताइन् ।
उनका अनुसार रोगको पहिचान गरी निदान गर्ने उद्देश्यले उक्त कार्यक्रम गरिएको हो । नेपाल पत्रकार महासंघ भक्तपुरको पहलमा अस्पतालले पत्रकारहरूको निःशुल्क स्वास्थ्य परिक्षण गर्न लागेको अध्यक्ष रमण कायस्थले बताए । सम्पूर्ण पत्रकारले आफ्नो स्वास्थ्य जाँच गराउन नेपाल पत्रकार महासंघ भक्तपुरले अनुरोध गरेको छ ।
जचाउन आउदा बिहान पानी र चियासमेत नपिई खाली पेटमा आउन प्रमुख मेडिकल सुपरिटेन्डेन्टले डा. सुमित्रा गौतमले सबैमा आग्रह गरेकी छन् ।
