भागरथीको हत्यामासंलग्न भन्दै एक युवक पक्राउ

बैतडी । १७ वर्षिया युवती भागरथी भट्टको बलात्कारपछि हत्या गरेको आरोपमा एक जना पक्राउ परेका छन् । घटना भएको १३औँ दिनपछि पक्राउ परेका ती व्यक्तिलाई आज प्रहरीले सार्वजनिक गर्ने तयारी गरेको छ ।

सनातन धर्म माध्यमिक विद्यालयमा नै अध्ययनरत ती व्यक्ति रहेको प्रहरीले जनाएको छ । सोही स्कुलमा दोगडाकेदार गाउँपालिका ७ की भागरथी भट्ट कक्षा १२ मा अध्ययनरत थिइन् । प्रारम्भीक अनुसन्धानमा नै पक्राउ परेका ती युवकले बलात्कारपछि हत्या गरेको स्वीकारेको प्रहरीको भनाई छ ।

जिप्रका बैतडीको हिरासतमा राखिएका उनलाई आज पत्रकार सम्मेलन गरी सार्वजनिक गर्ने तयारी छ । भागरथी माघ २१ गते बेलुकासम्म बिद्यालयबाट घर नपर्किएपछि परिवारले खोजी गरेको थियो । त्यसको भोलिपल्ट साँझ उनको शव लवलेकको जंगलमा क्षतविक्षत अवस्थामा भेटिएको थियो । शव पोष्टमार्टम गर्दा बलात्कारपछि हत्या भएको पुष्टि भएको छ ।