- १६ असार २०८३, मंगलवार / Jun 30, 2026
काठमाडौं । हत्या, हिंसा, लटपाट र बलत्कार विरुद्ध नेपाल महिला संघले आज विशाल प्रदर्शन गर्न लागेको छ ।
निर्मला पन्तलाई बलात्कार पछि हत्या भएको तीन वर्ष पुगिसक्दा पनि अहिले सम्म हत्यारा पत्ता नलाग्नु सरकारले निरिहता प्रदर्शन गरिरहेको भन्दै आज शान्तिबाटिकामा संघले विशाल सभा गर्न लागेको हो । बलात्कार पछि हत्या गरिएका नारीहरुलाई न्याय दिलाउनको सबै महिला एकजुट भएर हत्यारालाई फासीको सजाय दिलाउन भन्दै हातमा हात र साथमा साथ दिन अनुरोध संघले गरेको छ ।
आज सबै न्यायका निम्ति रत्नपार्कमा हुने विशाल सभामा सहभागी भइदिन पनि नेपाल महिला संघले सबैमा हार्दिक अनुरोध गरेको छ । सभा दिउसो १ बजे र त्यसभन्दा पहिले उपत्यकाका सबै क्षेत्रबाट जुलुश प्रदर्शन हुने नेपाल महिला संघ भक्तपुर जिल्ला सभापति सरु बानियाँले जानकारी दिदै असंवैधानिक, अलोकतान्त्रिक र तानाशाही कदमका विरूद्ध शान्ति वाटिका रत्नपार्कमा सहभागी बन्न समेत अनुरोध गरेकी छन् ।
