भारतको छत्तीसगढ राज्यको दन्तेवाडामा १० जना सुरक्षाकर्मीको मृत्यु

एजेन्सी । माओवादीले आक्रमण गर्दा भारतको छत्तीसगढ राज्यको दन्तेवाडामा १० जना सुरक्षाकर्मीको मृत्यु भएको छ । मृत्यु भएका जवानहरू डिस्ट्रिक्ट रिजर्भ गार्ड (डीआरजी) का रहेको जनाइएको छ ।

प्रहरीका अनुसार दन्तेवाडाको अरनपुर क्षेत्रमा माओवादी रहेको खबर पाएपछि नक्सल विरोधी अभियानका लागि दन्तेवाडाबाट डीआरजी फोर्स पठाइएको थियो । सोही आक्रमणमा परी एक सवारी चालकको समेत मृत्यु भएको छ ।

जसका कारण अपरेशनमा संलग्न डीआरजीको गाडीलाई ठक्कर दिएको थियो । त्यसक्रममा १० जवान र गाडी चालकको घटनास्थलमै मृत्यु भएको थियो । उक्त क्षेत्रमा खोजी कार्यका लागि थप जवानहरु पठाइएको प्रहरीले जनाएको छ । माओवादी विरुद्धको अपरेशन सकेर फर्कने क्रममा अरनपुर सडकमा संदिग्ध माओवादीले बम विष्फोट गराएका थिए ।