- १६ भाद्र २०८३, मंगलवार / Sep 1, 2026
काठमाडौँ । शुद्धीकरण मुद्दामा भारतका स्वास्थ्य मन्त्री पक्राउ परेका छन् । भारतको दिल्ली सरकारका स्वास्थ्य मन्त्री सत्येन्द्र जैन सम्पत्ति शुद्धीकरण मुद्दामा पक्राउ परेका हुन । भारतको केन्द्रीय अनुसन्धान व्युरो (सीबीआई) ले जैन र उनको परिवार विरुद्ध अगस्ट २०१७ मा १ अर्व ६२ करोड भारतीय रुपैयाँ अकूत सम्पति आर्जन गरेको भन्दै मुद्दा दायर गरेको थियो ।
अरविन्द केजरीवाल सरकारका स्वास्थ्य मन्त्री जैन सन् २०१५ देखि सन् २०१६ मा कोलकाताको एक फर्मसँगको लेनदेनमा संलग्न भएको आरोप लागेको छ । केही दिन अघि पञ्जाव सरकारका स्वास्थ्यमन्त्री पनि ठेकेदारसँग घुस मागेको आरोपमा पक्राउ परेको घटना नसेलाउदै जैन पक्राउ परेका हुन ।
केही साताअघि भएको विधान सभा निर्वाचनमा आम आद्मी पार्टीले पञ्जावमा आश्चर्यजनक सफलता प्राप्त गरेको र आम आद्मीले भ्रष्टाचार र अनियमिततालाई जरैदेखि उन्मुलन गर्ने उद्घोष गरे पनि जैन पक्राउ परकोमा आम आद्मी पार्टीले विरोध गरिरहेको छ । जैन हिमाञ्चल प्रदेशका आम आद्मीका इन्चार्ज समेत हुन् ।
