भारतमा तीन जना नेपालीको ज्यान गयो

काठमाण्डौ । पहिरोमा परेर एकै परिवारका तीन जना नेपालीको भारतमा मृत्यु भएको छ । भारतको सिमला ठेट क्यार भन्ने ठाउँमा गएको पहिरोमा परेर तीन जना नेपालीको मृत्यु भएको हो । मृत्यु हुनेमा रुकुम पश्चिमको त्रिवेणी गाउँपालिका ९ टुनिबोटका ४८ वर्षीय दिपबहादुर ओली, उनकी श्रीमती भीमा र १७ वर्षीय छोरा मोहोनको ज्यान गएको हो ।

उनीहरु घर माथिबाट आएको पहिरोमा परेको जनाइएको छ । पहिरो गएका बेला जेठो छोरो घरमा नभएकाले बाँचेका छन् । ज्यान गुमाएकाको शव नेपाल ल्याउने तयारी भइरहेको जनाइएको छ । श्रीमती र दुई छोरा एक महिना अघि मात्रै भारत गएका थिए ।