भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

भारतीय हस्तक्षेपविरूद्व नेमकिपाकाे आठबीसमा विराेध प्रदर्शन

भारतीय हस्तक्षेपविरूद्व नेमकिपाकाे आठबीसमा विराेध प्रदर्शन

कमल दैलेखी, राकम। कालापानी र लिपुलेक र लिम्पियाधुरालाई आफ्नो दावी गरेर भारतले नयाँ नक्सा जारी गरेपछि नेपाल भर त्यसको विरोध प्रदर्शन भैरहेको छ । काठमाडौ, पोखरा विराटनगरलगायत देशका ठूला, साना सहर देखि गाँउ गाँउ सम्म विरोध प्रदर्शन जारी छन् ।

यसैबीच नेपाल मजदुर किसान पार्टीले दैलेखको आठबीस नगरपालिका राकमकर्णाली दैलेखमा भारतीय हस्तक्षेपका विरुद्ध नारावाजी गर्दै जुलुश प्रदर्शन र विरोध सभा सम्पन्न गरेको छ । सभालाई संवोधन गर्दै नेमकिपाका केन्द्रीय सदस्य बजीरसिह विकले भारतीय हस्तक्षेप नेपालीलाई स्वीकार्य नभएको बताएका छन् ।

भारतीय दादागिरी विरुद्ध देशभक्त नागरिकहरु सार्वभौमसत्ता जोगाउन एकजुट हुनु पर्ने भन्दै विकले नेपाल सरकारले तत्काल यो समस्या कुटनैतिक तवरबाट समाधान खोज्नु पर्ने बताए । विरोध सभामा बोल्दै नेमकिपा आठबीस नगर समितिका अध्यक्ष कल बहादुर सिजापतिले देश विरुद्ध गद्धारी गर्नेहरुलाई समयमै चिन्नु पर्ने बताए ।

सभामा नेक्राविसंघ पूर्व केन्द्रीय सदस्य जनक माझीले सार्वभौमिक अखण्डता जोगाउन सबै एकजुट भएर भारतीय हस्तक्षेप विरुद्ध लड्नु पर्ने बताए । नगर समितिका सह सचिव टिकाराम कठायतले संचालन गरेको विरोध सभामा नगरवासीको उल्यख्य सहभागिता रहेको थियो ।

विरोधसभामा बोल्ने अधिकांस नेमकिपाका नेताहरुले भारतीय पक्षसँगको अनावश्यक हिमचिम रोकिनुपर्ने र योग्य टोली बनाएर भारतसँग उच्च तहको वार्ता गर्न पनि सरकारलाई सुझाव दिएका थिए।

 


Thali Mobile Pvt.Ltd.