- २८ श्रावण २०८३, बिहीबार / Aug 13, 2026
१६ असार २०७७ काठमाडाैं । कोभिड–१९ महामारीको सबैभन्दा खराब अवस्था आउन बाँकी रहेकोले सचेत रहन विश्व समुदायलाइ डब्ल्यूएचओ अनुराेध गरेकाे छ । महासचिव डा.ट्रेडोस अधोनम घेब्रेससले गत वर्षको डिसेम्बरदेखि फैलिइरहेको कोरोना भाइरस विश्वभरका एक करोड भन्दा धेरै मानिसमा संक्रमण भइसकेको बताएका छन् ।
पाँच लाख चार हजार ३४५ संक्रमितको ज्यान गएकाे भन्दै महामारीका कारण धेरै देशमा स्वास्थ्य प्रणाली निकै खराब भएको उनकाे जिकिर छ । महामारीले अर्थव्यवस्था र सामाजिक जनजीवनमा ठूलाे असर परेको भन्दै यति धेरै मानवीय र आर्थिकरसामाजिक क्षति भइसक्दा पनि महामारीको सबैभन्दा खराब स्थिति आउन बाँकी नै रहेको डा. टेड्रोसकाे भनाइ छ ।
महामारी अन्त्य हुने विन्दुबाट धेरै टाढा रहेकाे भन्दै उनले केही देशले नियन्त्रणमा लिएजस्तो देखिएपनि विश्वभर यो समस्या कायमै रहेकाे बताए । विश्वव्यापी एकतामा कमी देखिएकाले भाइरस फैलन मद्दत मिलिरहेको भन्दै उनले खराब समय आउन बाँकी नै रहेकाे जिकिर गरे ।
महामारी नियन्त्रणका लागि जर्मनी, दक्षिण कोरिया र जापानले झैं काम गर्न टेड्रोसले विश्वसंग आग्रह गरेका छन् । नेपालको दक्षिणी छिमेकी देश भारतमा हालसम्म पाँच लाख ४८ हजार ३१८ जना संक्रमित फेला परेका छन् भने १६ हजार ४७५ जनाको ज्यान गइसकेको छ । नेपालमा हालसम्म १३ हजार २४८ जना संक्रमित भेटिएका छन् भने २९ जनाको मृत्यु भएको छ । नेपाल जाेखिमै रहेकाले सचेत रहन अाग्रह गरेकाे छ ।
