माइतीघरमा न्याय खोल्दै डाक्टरहरू…

२१ असार २०७७ काठमाडौं । चिकित्सकमाथि ठाँउ टाँउमा गरिएका कुटपिटका घटनाको विरोधमा यतिबेला चिकित्सकहरु माइतीघरमा न्याय खोज्दै छन् ।

झापामा कार्यरत डा. सुधाकर झामाथि कुटपिट गर्नेहरुमाथि कारबाहीको माग गर्दै उनीहरुले माइतीघरमा प्रदर्शन गरेका हुन । असार ११ गते मेडिका हस्पिटलको इमर्जेन्सीमा कार्यरत झामाथि कुटपिट भएको घटनालाई लिएर उनीहरुले काठमाडौं तताईरहेका छन् ।

कुटपिटमा संलग्नमाथि कारबाही नभएकाले प्रदर्शनमा उत्रिनु परेको उनीहरुको भनाई छ । प्रदर्शनमा नेपाल मेडिकल कलेज, लुम्बिनी मेडिकल कलेज, काठमाडौं मेडिकल कलेजका विद्यार्थी र विभिन्न अस्पतालमा कार्यरत चिकित्सकहरु यतिबेला आन्दोलनमा उत्रिएका हुन् । न्याय नपाए लाठीको जवाफ लाठीले दिनुको विकल्प नरहेको बताएका छन् ।