- २ भाद्र २०८३, मंगलवार / Aug 18, 2026
काठमाडौं । सत्तारुढ नेकपा माओवादी केन्द्रको स्थायी कमिटी बैठक बस्दै छ । आज बिहान ११ बजे पार्टी कार्यालय पेरिसडाँडामा बैठक बस्ने र उक्त बैठकमा पार्टी एकता र समसामयिक विषयमा छलफल हुने बुझिएको छ ।
नेपाल समाजवादी पार्टी (नेसपा) लगायतसँग एकताको विषयमा भएको छलफल एजेण्डा भएको नेताहरुले बताए ।
यसअघि माओवादी केन्द्रले नेसपा, एकीकृत समाजवादी लगायत दलसँग पार्टी एकताको पहल गर्ने भन्दै उपाध्यक्ष कृष्णबहादुर महराको नेतृत्वमा वार्ता समिति गठन गरेको थियो ।
अन्य दलहरुसँग वार्तामा ठोस प्रगति नभए पनि नेसपासँग छिट्टै एकता गरेर जाने समझदारी बनेको उनीहरुको तर्क छ ।
बैठकमा सरकारको कामकारबाही, पार्टीका विभाग र भ्रातृ संगठन पुनर्गठन लगायतका विषयमा छलफल हुने बताइएको छ ।
