- १९ श्रावण २०८३, मंगलवार / Aug 4, 2026
काठमाडौं । एमालेबाट छुट्टिएको माधवकुमार नेपाल समूह अब नेकपा (एकीकृत समाजवादी) पार्टी हुने भएको छ । नेपाल समूहले यसअघि नेकपा (एमाले समाजवादी) प्रस्ताव गरेर दल दर्ताको निवेदन दिएको थियो ।
अर्को दलसंँग मिल्दो नाम राख्न नमिल्ने भएपछि राजेन्द्र पाण्डे लगायतका नेताहरू शुक्रबार निर्वाचन आयोग पुगेर नयाँ नाम नेकपा (एकिकृत समाजवादी) प्रस्ताव गरेका हुन् । पार्टीको नयाँ नामका लागि निवदेन दिएको निर्वाचन आयोगको प्रवक्ता राजकुमार श्रेष्ठले बताए ।
पार्टी दर्ताको प्रक्रिया पूरा भएपछि यसबारेमा आयोगले अन्तिम निर्णय गर्ने उनले जानकारी दिए । यस्तै महन्थ ठाकुर पक्षले पनि पार्टीको नाम परिर्वतन गरेको छ । पार्टीको नाम लोकतान्त्रिक समाजवादी पार्टी राखिएको नेता केशव झाले बताए ।
