- १८ असार २०८३, बिहीबार / Jul 2, 2026
दैलेख । आठविस नगरपालिका –६ माल्या जंगलमा आगजनी नियन्त्रण गर्न जाँदा घाइते भएका १२ जना मध्य एक जनाको मृत्यु भएको छ । आगजनी नियन्त्रणका लागि जंगल पुगेका बेला आगो लागेर घाइते भएका भैरे बिकको निधन भएको हो ।
बाँकी घाइतेहरुको नेपालगञ्जमा उपचार भइरहेको छ । प्रधानमन्त्री रोजगार कार्यक्रम अन्तर्गत काम गर्न पुगेका उनीहरु वन समितिका अध्यक्ष नवीन विकले जंगलको आगजनी नियन्त्रणका लागि सहयोग मागेपिछ आगो निभाउन त्यहाँ पुगेको वडाध्यक्ष नमराज शर्माले बताए ।
आगोबाट बच्न बीचमा रहेको ठुलो ढुंगाभित्र बस्न पुगे पनि हावाको बेगले आगो भित्रै पुग्दा सबै घाइते हुन पुगेको उनको भनाइ छ । घाइतेको करिब ५० प्रतिशत शरीर जलेको अनुमान छ ।
घाइतेको उपचार र मृतकका परिवारलाई राहत दिन स्थानीयले अनुरोध गरेका छन् । कर्णाली प्रदेश सरकार र संघिय संसद, प्रदेश सभा सदस्यहरुले पनि उपचारमा सहयोग गर्न अनुरोध सहित विज्ञप्ती निकालेका छन् ।
