- १४ आश्विन २०८३, बुधबार / Sep 30, 2026
मुगु । सदरमुकाम गमगढी स्थित तल्लो बजारमा भिषण आगलागी हुँदा २० घर जलेर नष्ट भएका छन् । मंगलबार राती साढे १२ बजे सुरु भएको आगलागी बिहान साढे ४ बजे मात्रै नियन्त्रणमा आएको मुगु प्रहरीले जनाएको छ।
स्थानीय ठीन्ले लामाको घरमा बल्दै गरेको दियो ढल्किएर सुरु भएको आगो फैलिएको हो । आगलागी भएको जानकारी जिप्रकामा पुग्नासाथ तत्काल सुरक्षाकर्मी आगलागी नियन्त्रण्मा जुटेको जिल्ला प्रहरी कार्यालय मुगुका डिएसपी चित्र बहादुर भट्टराईले बताए ।
आगलागीबाट मानवीय क्षती भने नभएको उनको भनाइ छ । आगलागी नियन्त्रणमा नेपाल प्रहरी, नेपाल सशस्त्र प्रहरी, नेपाली सेना र स्थानीयबासीको सहभागीता रहेको थियो ।
१७ घर ३ वटा घुम्ती पसल खरानी भएका छन् भने करोडौंको धनमाल, जिन्सी सामान, व्यापारीक सामान जलेर नष्ट भएको छ । आगलागी राति भएका कारण थप विवरण आउन बाँकी भएको जिल्ला प्रहरी कायालय मुगुले जनाएको छ ।
