- २८ असार २०८३, आईतवार / Jul 12, 2026
१७ असार २०७७ सिरहा । सशस्त्र पहरीका जवानलाई मृत अवस्थामा नहरबाट निकालिएको छ । सिरहा नगरपालिका–१४ खिरौनास्थित नहरमा डुबेर सशस्त्र पोष्ट सिरहामा कार्यरत सशस्त्र प्रहरी जवान मनोहरकुमार यादवको मृत्यु भएको हो ।
महोत्तरी सोनबा गाउँपालिका–३ निवासी २३ वर्षीय सशस्त्र प्रहरी जवान यादव नहरको पानीमा डुबेर मृत्यु भएको अवस्थामा फेला परेको प्रहरीले जनाएको छ । घटनाबारे थप अनुसन्धान भइरहेको जिल्ला प्रहरी कार्यालय सिरहाका प्रवक्ता प्रहरी नायब उपरीक्षक विनोद घिमिरेले बताए ।
यसैबीच राजगढ गाउँपालिका–४ मा खेत जोत्ने क्रममा ट्र्याक्टर दुर्घटनामा परी एक युवाको मृत्यु भएको छ । मृत्यु हुनेमा स्थानीय ३० वर्षीय अनिलकुमार मण्डल रहेको स्थानीयले जानकारी दिए । घरदेखि ५०० मिटर दूरीमा खेत जोत्ने क्रममा च्यापिएर उनको मृत्यु भएको हो ।
