- २७ बैशाख २०८३, आईतवार / May 10, 2026
काठमाडौँ । संघीय मामिला तथा सामान्य प्रशासन मन्त्रीमा जनमत पार्टीकी सांसद अनितादेवी साहले शपथ लिएकी छन् । बीच राष्ट्रपति रामचन्द्र पौडेलले सोमबार राष्ट्रपति भवन शीतल निवासमा आयोजित विशेष समारोहमा पद तथा गोपनीयताको शपथ दिलाएका हुन् ।
शपथसँगै सरकारबाट एक पटक बाहिरिएको जनमतको पुनः इन्ट्री भएको छ । शपथ समारोहमा उपराष्ट्रपति रामसहाय यादव, प्रधानमन्त्री प्रचण्ड, प्रतिनिधिसभा सदस्य र राष्ट्रियसभाका अध्यक्षसहित सरकारका विशिष्ट व्यक्तित्वहरूको सहभागिता रहेको थियो । माओवादी केन्द्रले अमनलाल मोदीलाई फिर्ता बोलाएर जनमतबाट अनितादेवी साहलाई मन्त्री बनाएको हो ।
जनमत पार्टीकी समानुपातिक सांसद हुन । उनी गत वर्ष सम्पन्न स्थानीय तह निर्वाचनमा जनकपुरधाम उपमहानगरपालिकाको मेयरमा पराजित भएकी थिइन् ।
गत स्थानीय तहको निर्वाचनमा जनमत पार्टीबाट टिकट पाएर जनकपुरधाम उपमहानगरपालिकाको मेयर पदमा उम्मेदवार बनेकी उनले जम्मा १ हजार ४ सय ३७ मत प्राप्त गर्दै सातौँ स्थानमा सीमित भएकी थिइन् ।
