- १७ श्रावण २०८३, आईतवार / Aug 2, 2026
काठमाडौं । नेकपा एमालेका अध्यक्ष केपी शर्मा ओलीले थापाथलीमा तयार गरिएको नयाँ केन्द्रीय कार्यालयको अनुगमन गरेका छन् ।
पद्मा अर्याललगायतका नेताहरुसहित अनुगमन गर्न थापाथली पुगेका थिए । वैशाखदेखि थापाथलीबाट पार्टीका बैठक संचालन हुने एमालेले जनाएको छ । एमाले पार्टी कार्यालय धुम्बाराहीबाट थापाथली सर्ने निश्चित भएको छ ।
सम्झौता अनुसार डेढ वर्ष अधि नै धुम्बाराहीबाट एमाले सर्न लागेको हो । सर्नेबारे जानकारी नै नदिएको घरबेटीको भनाई छ । प्रधानमन्त्रीका विशेष आर्थिक सल्लाहकार मोती दुगडकै सल्लाह अनुसार दुगडका आफन्त सञ्जय अग्रवालको घरमा सर्न लागिएको हो ।
घरको भाडा कति हो भन्ने कुनै खुलाइएको छैन । सांसद, राज्यमन्त्री, प्रधानमन्त्रीका सल्लाहकार बनिसकेका मोती दुगड प्रधानमन्त्रीका विश्वासका पात्र हुन ।
