युएई र नेपालबीचको बाँकी खेल मंगलबार हुने

काठमाडौं । युएई र नेपालबीचको बाँकी खेल मंगलबार हुने भएको छ । नेपाल र युएईबीचको फाइनल सोमबार पानीका कारण खेल स्थगित भएपछि बाँकी खेल मंगलबार हुने भएको हो ।

टियु मैदानमा टस हारेर पहिले ब्याटिङ गरेको युएईले २७ दशमलब ३ ओभरमा ९ विकेट गुमाउदै १ सय ६ बनाएको अवस्थामा खेल बर्षाका कारणले रोकिएको हो । मंगलबार आजकै स्थितिबाट युएईले ब्याटिङ सुरु गर्नेछ ।

बाँकी रहेको खेल मंगलबार रिजर्भ डेमा हुनेछ । एसिया कप खेल्न पाउने भएपछि खेलाडीहरू पनि उत्साही छन् । नेपाली खेलाडीका लागि एसिया कप भनेको भारत, पाकिस्तानजस्ता विश्व क्रिकेटका हस्ती राष्ट्रहरूसँग खेल्न पाउने गतिलो अवसर हो ।