युक्रेनमा रूसी आक्रमणमा तीव्रता, ४० जनाको मृत्यु

एजेन्सी । रुसले युक्रेनको दिनिप्रो शहरस्थित आवासीय भवनमा गरेको मिसाइल आक्रमण गर्दा ४० जनाको मृत्यु भएको छ । मिसाइल आक्रमणमा मृत्यु हुनेहरुको शव धमाधम फेला पर्न थालेका छन् । युक्रेनको आवासीय भवन लक्षित आक्रमणको सर्वत्र विरोध भइरहेका बेला रुसले युक्रेनका पूर्वाधार र आवासीय भवन लक्षित आक्रमण नगरेको दाबी गर्दै आएको छ ।

रुस र बेलारुसले संयुक्त सैन्य अभ्यास गरिरहेको अन्तर्राष्ट्रिय सञ्चार माध्यमहरुले जनाएका छन् । रुसको रक्षा मन्त्रालयले बेलारुस सधै रुसको साथमा रहने स्पष्ट पारेको छ । मन्त्रालयले बेलारुस रुसको एयरफिल्डमा सहभागी हुने समेत जनाएको छ ।
उद्धारकै क्रममा भग्नावशेषमा च्यापिएकाहरुको थप शव फेला पर्न थालेको छ ।

आक्रमणमा वेपत्ता भएका ३२ जनाको खोजी कार्य जारी रहेको छ । रुसको पछिल्लो मिसाइल आक्रमणका कारण युक्रेनतर्फ ठूलो क्षति पुगेको छ ।