- १९ कार्तिक २०८३, बिहीबार / Nov 5, 2026
काठमाडौं । यो आर्थिक वर्षमा रोजगारीका लागि युनाइटेड अरब इमिरेट्स पुगेका १७४ नेपाली कामदारको मृत्यु भएको छ ।
दुर्घटनालगायतका कारणले मृत्यु भएका १७४ जना नेपालीमध्ये १६७ जनाको शव स्वदेश पठाइएको अबुधाबीस्थित नेपाली दूतावासले जनाएको छ । ७ जनाको युएईमै अन्तिम संस्कार गरिएको दूतावासले जनाएको छ ।
दूतावासका अनुसार युएईमा मृत्यु तथा घाइते भएकाहरूले पाउने रकम ३२ लाख ७५ हजार ७६३ युएई दिराम (करिब ११ करोड ४० लाख ९७ हजार १७७ रुपैयाँ) क्षतिपूर्ति नेपालको कन्सुलर शाखामार्फत पीडित परिवारलाई पठाइएको छ ।
दूतावासले आर्थिक वर्ष २०७८–०७९ मा १४ हजार १७१ पासपोर्ट जारी गरेको र ७५० जनालाई नेपाल फर्किन आवश्यक पर्ने ट्राभल डकुमेन्ट दिइएको जनाएको छ ।
१ हजार ७५६ वटा माग पत्र प्रमाणीकरण र ४७६ जनालाई भिसा जारी गरेको दूतावासको भनाइ छ । विभिन्न काममा गरी करिब चार लाखको हाराहारीमा नेपाली कार्यरत रहेका छन् ।
