तीन जनाको हत्या, दाई पक्राउ

उदयपुर । बेलका नगरपालिकामा एकै परिवारका तीनजनाको बीभत्स हत्या भएको छ ।

बेलका–७ मा स्थानीय ३७ वर्षीय राजकुमार बस्नेत, उनकी श्रीमती ३३ वर्षीय सरिता बस्नेत र १२ वर्षीय छोरा सुजन बस्नेतको बीभत्स हत्या भएको प्रदेश–१ प्रहरी प्रवक्ता एसपी नविनराज राईले बताए ।

हत्या आरोपमा ४० वर्षीय नरबहादुर बस्नेत पक्राउ परेका छन् । नरबहादुर नाताले राजकुमारका दाइ भएको प्रहरीले जनाएको छ ।

प्रहरीका अनुसार स्थानीय वालिङ खोलामा बस्नेत परिवारका ३ जनाकै हत्या भएको हो । घटनाबारे अनुसन्धान भइरहेको छ ।