- २५ फाल्गुन २०८२, सोमबार / Mar 9, 2026
काठमाडौं । मंगलबार गोली हानेर पक्राउ परेका युवक अविनाश राईको साथबाट प्रहरीले ४९० ग्राम आइस ड्रग एमफेटामिन बरामद गरेको छ ।
उपत्यका अपराध अनुसन्धान कार्यालयका एसपी रवीन्द्र रेग्मीका अनुसार निकै महँगो र नसालु मानिने एमफेटामिनसहित उदयपुरका राई पक्राउ परेका छन् । ललितपुरको झम्सीखेलमा राई रहेको स्थानमा प्रहरी पुग्ने बित्तिकै उनले प्रहरी टोलीमाथि आक्रमण गरेको रेग्मीले दाबी गरे ।
त्यसक्रममा नियन्त्रणमा लिन गोली चलाएको उनको भनाइ छ ।प्रहरीको गोली राईको दाहिने खुट्टामा लागेको छ । उनको अहिले राष्ट्रिय ट्रमा सेन्टरमा उपचार भइरहेको छ । गोली चलाएर राईलाई पक्राउ गरेको ठाउँमा प्रहरीले खिया लागेको पेस्तोल र त्यसमा लाग्ने केही राउण्ड गोली भेटेको जनाएको छ ।
