लिम्चुङबुङ समृद्ध अभियानमा जुट्यो

काठमाडौं । लिम्चुङबुङ समृद्ध अभियानमा जुटेको छ । एउटै पुस्तामा गाउँ समृद्ध बनाउने महा– अभियान नारा दिएर लिम्चुङबुङ गाउँपालिका अघि बडेको जनप्रतिनिधिले बताएका छन् ।

प्रकृति सुन्दरताले भरिपुर्ण उदयपुर जिल्लाको लिम्चुङबुङ गाउपालिका नयाँ पर्यटन गन्तव्य घोषणा भए लगगै नयाँ गन्तव्यको रुपमा चर्चा सुरु भएको प्रमुख प्रशासकीय अधिकृत योगेन्द्र राज गुरुङ्गले बताए । गाउँपालिकाबासी एक जुट भएर आफ्नो गाउँ आफै बनाउन अभियान थालेको उनको भनाइ छ ।

गाउँपालिकाले देखेको सपनामा सदैव हातमालो रहने पर्यटन व्यावसायी रामसुन्दर बकेले बताए । स्थानीयको सपना नै आफ्नो सपना भएकाले जे पाक्छ त्यहि विक्छ अभियानमार्फत जोडिएको धारणा बकेले राखे । लिम्चुङबुङ गाउँपालिकाले केन्द्रीय सरकारको आशामा भन्दा पनि आफ्ना सडकहरु आफैं निर्माण गर्ने याेजनामा रहेकाे गाउँपालिका अध्यक्ष मेजर राईले बताए ।