यो चुुनाव पनि प्रतिगमनबीचको लडाइँ हो: प्रचण्ड

काठमाडौं । स्थानीय तहको चुनाव ‘अग्रगमन र प्रतिगमन’बीचको लडाइँ भएको माओवादी केन्द्रका अध्यक्ष प्रचण्डले बताएका छन् ।

सिंहदरबार केन्द्रीत अधिकार जनताको घरदैलोमा स्थापित गराउन यो चुनाव महत्वपूर्ण हुने दावी गरे ।

उनले भने, ‘यतिखेर संघीयता र समावेशी समानुपातिक प्रतिनिधित्व विरोधी तथा उत्पीडित, उपेक्षित जनता अधिकार सम्पन्न भएको नरुचाउने प्रतिगामी तत्वहरुले संविधान र ऐतिहासिक उपलब्धिविरुद्ध ठूलो षड्यन्त्र गरिरहेका छन्, त्यसैले स्थानीय तहलाई अधिकार सम्पन्न तुल्याउँदै स्थानीय विशेषतामा आधारित विकास, शिक्षा,स्वास्थ्य, रोजगारीको सुनिश्चितता मार्फत सामाजिक न्यायसहितको समृद्धि हासिल गर्ने चुनौती हाम्रो सामु छ।’

कृषिमा अनुदानमार्फत् उत्पादन, किसान पेन्सन, औद्योगिकरण तथा ग्रामिण आत्मनिर्भर अर्थतन्त्रबाट रोजगारी दिने कुराको प्रत्याभूति गराउन जनताले यसपालि सोच्नै पर्ने उनको भनाइ छ।