- १४ जेष्ठ २०८३, बिहीबार / May 28, 2026
काठमाडौं । हिमाली जिल्ला मुस्ताङमा यो वर्ष एसईई दिने विद्यार्थीको संख्या हालसम्मकै बढी छ। यो वर्ष १ सय ८० जना विद्यार्थी एसईई परीक्षा दिदैछन् ।
मुस्ताङको थासाङ गाउँपालिकामा निजी क्षेत्रको एक बुद्धिष्ट विद्यालय थपिएसँगै एसईई दिने विद्यार्थीको संख्या बढेको केन्द्राध्यक्ष रामचन्द्र अधिकारीले बताए ।
यस वर्षको परीक्षामा देशभरबाट ५ लाख बढी परीक्षार्थी सहभागी हुँदैछन् । दुई हजार सात परीक्षा केन्द्र निर्धारण गरिएको जानकारी दिदै एसईईका परीक्षा नियन्त्रक अर्जुन रायमाझीले यस वर्ष ११ हजार ६ सय १५ विद्यालयबाट नियमिततर्फ छात्र
१ लाख ५७ हजार ९ सय १४ र छात्रा २ लाख ५७ हजार ५३ जना गरी कुल ५ लाख १४ हजार ९ सय ६७ परीक्षार्थी परीक्षामा सहभागी हुने बताए । दुई वर्षदेखि रोकिएको ग्रेड वृद्धितर्फ ११ हजार ४ सय ५४ विद्यार्थी र प्राविधिक धारकातर्फका
२ सय ९९ विद्यालयका १४ हजार ५ सय ६४ विद्यार्थी पनि एसईईमा सहभागी हुँदैछन् । यो वर्ष परीक्षामा सबैभन्दा कम मनाङबाट ४३ जना विद्यार्थी सहभागी हुँन लागेको उनको भनाइ छ ।
