- १८ असार २०८३, बिहीबार / Jul 2, 2026
दाङ । लुम्बिनी प्रदेशका मुख्यमन्त्री डिल्लीबहादुर चौधरीसँग फिरन्ते जीवन बिताइरहेका राउटे समुदायका प्रतिनिधिले भेटघाट गरेका छन् । राउटे मुखियाका प्रतिनिधि बिर्खेबहादुर शाहीको टोलीले मुख्यमन्त्रीसँग बिहीवार मुख्यमन्त्री कार्यालयमा आएका भेटघाट गरेको हो ।
मुख्यमन्त्री चौधरीले सरकार राउटे समुदायलाई सहयोग गर्न, दशैँ खर्चको व्यवस्थापन गर्न सकारात्मक भएको बताए । भेटमा राउटे मुखियाका प्रतिनिधि शाहीले दशैँ खर्च दिन मुख्यमन्त्रीलाई आग्रह गरे ।
शाहीले आफूहरू अहिले दैलेखमा बसिरहेको र दशैँ खर्चका लागि दाङ आएको बताए । तीज खर्चकै लागि आएका हौँ, उनले भने तीज गइगो, अब दशैँ खर्च जुटाउनु परेको छ ।
