- १ कार्तिक २०८३, आईतवार / Oct 18, 2026
काठमाडौं । सन्तोष श्रेष्ठको संगीत र हेम प्रभाष अधिकारीको शव्द रचनामा भारतकी प्रसिद्ध गायिका साधना सरगमले गाएको शान्ति गीतको भिडियो सार्वजनिक भएको छ ।
शान्ति दिवसको अवसर पारेर बुधबार काठमाडौंमा आयोजित एक कार्यक्रममा भिडियो सार्वजनिक गरिएको हो । म्युजिक नेपालको युट्युब च्यानलमा रहेको शान्ति गीतको भिडियोमा रक्षा श्रेष्ठ, दिया गिरी, चक्र साउद, कुमार फुयाल र अभेलिना खड्काको अभिनय छ ।
शान्ति गीतका माध्यमबाट भाइचारा र विश्व बन्धुत्वको भावना जागृत गराउने अभिप्रायका साथ तयार पारिएको गीत भारतको मुम्बईस्थित आर्यान स्टुडियोमा रेकर्ड गरिएको संगीतकार श्रेष्ठले जानकारी दिए ।
