- २९ श्रावण २०८३, शुक्रबार / Aug 14, 2026
काठमाडौं । राष्ट्रियसभाको बैठक बस्दैछ । बैठक संसद भवन नयाँबानेश्वरमा दिउँसो १ बजेर १ मिनेटमा बस्ने गरी बोलाइएको छ । हिजो बोलाइएको बैठक प्रमुख प्रतिपक्ष एमाले लगायतका दलले अवरुद्ध गरेपछि आधा घण्टाका लागि स्थगित भएको थियो ।
एमालेले प्रधानमन्त्री प्रचण्डले केही दिनअघि दिएको अभिव्यक्तिले सार्वभौम संसदको अपमान भएकाले प्रधानमन्त्रीले राजीनामा दिनुपर्ने अडान राख्दै विरोध जारी राखेपछि राष्ट्रियसभाका अध्यक्ष गणेशप्रसाद तिमिल्सिनाले बैठक स्थगित गरेका थिए ।
त्यसपछि ४ बजेर ४६ मिनेटमा बस्ने गरी बोलाइएको बैठक सञ्चालन हुन नसकेपछि बैठक आजका लागि बोलाइएको छ । आफूलाई प्रधानमन्त्री बनाउनका लागि प्रितम सिंह पटकपटक दिल्ली गएको प्रचण्डको भनाइलाई लिएर एमालेले चर्को विरोध गरेको छ ।
प्रधानमन्त्री प्रचण्डले राजीनामा नदिएसम्म संसद बैठक चल्न नदिने संसदीय दलबाटै निर्णय गरेको छ । सोही अनुसार आजको बैठक सञ्चालनमा अवरोध गर्ने एमालेले जनाएको छ ।
