- ११ भाद्र २०८३, बिहीबार / Aug 27, 2026
काठमाडौं । राष्ट्रिय स्वतन्त्र पार्टीले विज्ञताका आधारमा आफ्ना सांसदलाई मन्त्रालयको जिम्मेवारी दिने जनाएको छ ।
सांसदलाई जिम्मेवारी दिन विज्ञतालाई हेरिने महामन्त्री मुकुल ढकालले बताए । उपप्रधान तथा गृहमन्त्रीमा पार्टी सभापति रवि लामिछानेलाई पठाइसकेको रास्वपाले जसलाई जुनसुकै पनि जिम्मेवारी नदिने नीति लिएको छ ।
केन्द्रीय समिति र संसदीय दलको संयुक्त बैठक बसेर निर्णयमा पुग्ने ढकालले बताए । कम्तीमा ३ मन्त्रीसहित उपसभामुख स्वपाको दाबी छ । शिक्षा, विज्ञान तथा प्रविधि मन्त्रालय पार्टीको भागमा परे काठमाडौं–६ बाट निर्वाचित शिशिर खनाललाई अनुभवका आधारमा दाबेदारका रूपमा हेरिएको भनाइ छ ।
स्वास्थ्य तथा जनसंख्या मन्त्रालय प्राप्त भए ललितपुर–३ बाट निर्वाचित डा. तोसिमा कार्कीसँगै समानुपातिक सांसदहरू डा. ढाकाकुमार श्रेष्ठ र डा. चन्दा कार्की दाबेदार रहने छन् । कानुन, न्याय तथा संसदीय मामिला मन्त्रालय पाएमा काठमाडौं–२ बाट निर्वाचित सोविता गौतमलाई पठाउने रास्वपाले जनाएको छ । उपसभामुखमा समानुपातिक सांसद सुमना श्रेष्ठको चर्चा रहेको सांसदहरूले बताएका छन् ।
